CONVENIO DE COLABORACIÓN ENTRE A CONSELLERÍA DE TRABALLO E BENESTAR E A ENTIDADE "ASOCIACIÓN GALEGA SAN FRANCISCO" (AGASFRA), PARA CONTRIBUIR AO MANTEMENTO DOS SERVIZOS QUE PRESTA A TRAVÉS DOS CENTROS DE ATENCIÓN ÁS PERSOAS CON DISCAPACIDADE DA SÚA TITULARIDADE.

Obxecto

O OBXECTO DESTE CONVENIO É A COLABORACIÓN POR PARTE DA CONSELLERÍA DE TRABALLO E BENESTAR NO DESENVOLVEMENTO E MANTEMENTO DAS ACTIVIDADES DE ATENCIÓN ÁS PERSOAS CON DISCAPACIDADE INTELECTUAL E ÁS SÚAS FAMILIAS, QUE A ENTIDADE ASOCIACIÓN GALEGA SAN FRANCISCO (AGASFRA) DESENVOLVE A TRAVÉS DOS CENTROS DOS QUE É TITULAR. A ENTIDADE TERÁ QUE DESENVOLVER A TRAVÉS DESTE CONVENIO AS SEGUINTES ACTUACIÓNS: - GARANTIR UNHA ATENCIÓN INTEGRAL E PERSONALIZADA A TODOS E CADA UN DOS USUARIOS. - DESENVOLVER, MANTER OU INCREMENTAR E OPTIMIZAR O FUNCIONAMENTO DAS SÚAS CAPACIDADES PROCURANDO, OS MÁIS ALTOS NIVEIS DE AUTONOMÍA PERSOAL. - PROCURAR O EQUILIBRIO EMOCIONAL E AFECTIVO. - REALIZAR TERAPIAS DE HABILITACIÓN PERSOAL E SOCIAL. - OFRECER A ASISTENCIA E COIDADOS NECESARIOS A CADA USUARIO. - PROCURAR UN ENTORNO ONDE CONCEPTOS COMO PRIVACIDADE, PROPIEDADE, SEGURIDADE FÍSICA E PSICOLÓXICA, RELACIÓNS INTERPERSONAIS, CONFIANZA E ESTABILIDADE ATOPEN AXEITADA PROTECCIÓN. - PRESTAR A INFORMACIÓN, COORDINACIÓN, ASESORAMENTO E ORIENTACIÓN NECESARIAS, AOS USUARIOS E ÁS SÚAS FAMILIAS. A CONCESIÓN DIRECTA DA SUBVENCIÓN A TRAVÉS DESTE CONVENIO EFECTUARASE AO ABEIRO DOS ARTIGOS 19.4.C) E 26 DA LEI 9/2007, DE SUBVENCIÓNS DE GALICIA, NA QUE SE PREVÉ A POSIBILIDADE DE EXCEPCIONAR O RÉXIME ORDINARIO DE CONCORRENCIA COMPETITIVA EN BASE AO CARÁCTER SINGULAR DAS SUBVENCIÓNS E RAZÓNS DE INTERESE PÚBLICO, SOCIAL E HUMANITARIO, CAL É O CASO, NO QUE O INTERESE PRIORITARIO É O MANTEMENTO DOS USUARIOS NOS CENTROS, QUE CONSTITÚEN UNHA AUTÉNTICA REFERENCIA VITAL PARA AS PERSOAS CON DISCAPACIDADE INTELECTUAL QUE ESTÁN INTEGRADAS NELES, CHEGANDO A SER, NOS CASOS DE RESIDENCIA O SEU VERDADEIRO FOGAR, DEBENDO ASEGURARSE A SÚA ESTABILIDADE E A CONTINUIDADE DOS SERVIZOS. ESTA EXCEPCIONALIDADE AO RÉXIME DE CONCORRENCIA COMPETITIVA ESTABLÉCESE IGUALMENTE NO ARTIGO 31 DA LEI 13/2008, DE 3 DE DECEMBRO, DE SERVIZOS SOCIAIS DE GALICIA.

Tipo

Convenio de colaboración

Data da sinatura

13-03-2012

Datas de vixencia

Vixente dende 13-03-2012 ata 30-12-2012

Entidades asinantes e cantidades achegadas
Entidade Cantidade
ASOCIACIÓN GALEGA SAN FRANCISCO (AGASFRA) 0,00 €
CONSELLERÍA DE TRABALLO E BENESTAR 2.082.955,32 €
Volver á pantalla de resultados